T134 Planinarski dom „Ubla“ – Studenci 1400m (planinski predio)- 1č50min
Vremenska prognoza za ovu stazu – LINK
Staza polazi iz Planinarskog doma „Ubla“ pa preko izletišta – platoa Ubala asfaltnim putem u dužini 500 metara da bi skrenula na makadamski put, na ovoj raskrsnici postoji stub sa putokaznom tablom. Makadamskim putem nastavljamo dalje kroz polje i malo zatim ulazimo u predio naseljen šumom Crnog bora. Polako dobijamo na visini a nakon 300 metara dolazimo u Vučkovića do, gdje je i poslednja kuća na putu prema Studencima. Nakon Vučkovića dola put nastavlja dalje kroz šume bora, bukve, smrče i ponegdje jele. Polako se dobija na visini da bi nakon jednog kilometra stigli na livadu poznatu po nazivu Posrana aluga.
Na ovoj livadi prestaje put a staza nastavlja lijevo uz strmu padinu naseljenu visokom bukovom šumom. Nakon strmog dijela dolazimo u manje strme dijelove a malo zatim i do prirodnog skloništa- manje pećine koja se nalazi 20 metra od staze.
Nastavljamo dalje opet malo većim nagibom do sledećeg pitomijeg dijela i tako dok se ne dođe do ulaska u predio Studenci.
Na ulazu u Studence, odmah se otvara pogled na prostrane livade i greben koji se idiže iznad ovog predjela. Sa lijeva na desno nižu se vehovi i kote: Markov kuk, Buganj greda pa do dominantne Kalupne grede.
Od ulaska u Studence se siđe 50 metara u livadu gdje se nalazi upisna kutija.
Ovdje je i stub sa putokaznim tablama koje pokazuju dalje staze ka Kalupnoj gredi i Visokom brijegu, kao i stazu kojom smo došli od Ubala.
Od upisne kutije markacije vode dalje kroz livade Studenaca, da bi nakon 700 metra došli do ublina gdje se može naći voda do kasno u ljeto. Ovu vodu su nekada koristili stočari za napajanje stoke. Predio Studenci nosi naziv upravo zbog ovih ublina u kojima je voda uvijek studena- hladna.
0 komentara